Преку Проектот за локална и регионална конкурентност, во Струмица ќе се градат нови бедеми на средновековната тврдина Цареви Кули која се очекува да биде и осветлена како и патеката што ќе се гради до тврдината од Ловен дом . Паралелно се планира и уредување на Трим патеката од Ловен дом до манастирот Св. Илија но и вело патека од манастирот до обиколниот пат до Цареви кули.
Станува збор за активности со кои треба да се подобри пристапноста до тврдината и поголема посетеност на овој културно историски локалитет богат со повеќе археолошки наоѓалишта кој преставуваaт и заштитен белег на Струмица. На терен изведувачот Универзал градба веќе ги почна работите за вело патеката која ќе биде во должина од 1053 метри.
Целиот проект тежи околу 650 илјади евра обезбедени од ЕУ, Владата и општината а го администрира Светска банка преку Проектот за локална и регионална конкуретност.
Проектот како што не информираше градоначалникот на Струмица- Коста Јаневски предвидува конзервација, реставрација и делумна реконструкција на бедемите и кулите на тврдината Цареви кули и нејзино осветлување. Ќе се работи на северните бедеми и кули односно сегментот кој најмногу ќе се визуелизира од градот но ќе има интервенции на Јужниот портал но и помали интервенции на бедемите од западната и источната страна
Проектот предвидува изградба на пристапна патека со скали која ќе биде оградена од Ловен дом до северната кула на тврдината, во должина од околу 400 метри, патека која ќе биде осветелена со канделабри но и Уредување со урбана опрема и финализирање на туристичката трим патека од Ловен дом до манастирот Св. Илија во должина од околу 2 километри но и вело патеката од овој манастир од обиколниот пат за Цареви Кули
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
