Во првата половина на 2021 година се очекува да отпочнат со реализација дел од проектите за кои општина Василево доби зелено светло од Министерството за транспрот и врски кое пак веќе распиша Јавен повик за избор на изведувач. Општина Василево во рамките на проектот на Министерството ,, Поврзување со локални патишта,, финансирана од Светска Банка доби дури три проекти за кои веќе имаше изготвено проекти. До 8 април е јавниот повик за избор на изведувач а до крајот на идниот месец се очекува да бидат познати фирмите за реализација на овие три проекти со кои ќе се подобри патната инфраструктура во општина Василево.
,,Според планот треба да се врши реконструкција и ревитализација на локалниот пат од Ново Владевци до Старо Владевци, да се изгради улица во Василево покрај поројот за наводнување, но и да се изгради улица во населеното место Градашорци од Домот на културата кон Индустриската зона покрај каналот. За сите нив имавме изготвено проекти кои беа прифатени и ги исполнивме критериумите и на Светска Банка. Според динамиката очекуваме до летото да пристапи механизација и да се работи, со што решаваме барањата на жителите од нашата општина,, ни изјави градоначалникот на Василево Марјан Јанев
Патот од Ново до Старо Владевци е во должина од околу 1700 метри. Се планира отстранување на стариот асфалтен слој, поставување атмосферска кaнализација но и хоризонтална и вертикална сигнализација. Во Василево ќе се асфалтира улицата покрај поројот за наводнување при што се планира поставување потпорни зидови и отвори за одводнување а со зафатот ќе има и сообраќајна и елекрична инсталација. Станува збор за улица од 400 метри
Со овој проект на Министерството за транспорт и врски се планира и изградба на улица во населеното место Градашорци од околу 430 метри. Станува збор за улицата од Домот на Културата од сред село кон Индустриската зона покрај каналот кој периодов се уреди. Истата треба да добие и соодветна сообраќајна сигнализација но и соодветна елeктрична инсталација.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
