Вкупно 20 екипи во сениорска конкуренција се пријавија на меморијалниот турнир ,,Благој Истатов“ во Струмица кој ќе се одржува на спортскиот терен кај монополот. Станува збор за екипи во чии редови има доста професионални и искусни футсал играчи кои најавуваат интересен и возбудлив турнир под рефлектори оваа лето.
Пријавени се екипи од Струмица и регионот но и од Скопје, Куманово, Штип, Кочани, Велес, Гевгелија, Неготино, Кавадарци, Берово, Росоман, Пепелиште. Екипите се поделени во 5 групи. Најдобрите се пласираат во осминафиналето и почнува елиминацијата од фаза во фаза. Мечевите се планираат во ноќните часови а завршните натпревари се очекуваат околу Илинден
Турнирот е со награден фонд од еден милион денари. Nајдобрата екипа ќе добие награда од речиси 10 илјади евра или 500 илјади денари . Второпласираниот состав ќе освои 250 илјади , третопалсираната 100 илјади а поразената во малото финале утешна награда од 50 илјади денари.
Во јуниорскиот категории пријавени се околу 13 екипи но таму сеуште трае пријавувањето. Инаку овој турнир е под покровителство на градоначалникот на Струмица Костадин Костадинов и Општина Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
