Судскиот совет на Македонија донесе одлука да се објави повторно оглас за избор на претседател во Основните судови во Струмица и Радовиш бидејки на претходниот не се јавил ниту еден кандидат. Оглас за избор на претседател ќе има и за Основен суд Гевгелија. Освен во овие градови огласи за избор ќе има и za Основните судови во Гевгелија, Делчево, Берово, Крушево и Охрид, одлучи Судскиот совет,
За избор на претседател на Основните судови во Струмица и Радовиш, оглас беше распишан на 24 јуни при што заинтересираните каднидати требаше да имаат најмалку шест години непрекинат судски стаж и програма за работа за мандатот со акциски план. Како што информираа од Советот на огласот од јуни за Основните судови во Струмица и Радовиш немало пријавени кандидати.
На денешната седница, Судскиот совет донесе одлука на повеќе судии поротници од Основните судови во Куманово, Гевгелија, Основен граѓански суд и Апелационен суд Битола да им престана функцијата, а беа избрани и нови судии поротници во Основен суд Гевгелија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
