Граѓаните од Југоистокот реагираат на условите и процедурата од Јавниот оглас за доделување ваучери за купување инвертер клими на Министерството за економија кој вчера беше затворен заради голем број апликации. Според нив со дадените услови за аплицирање, се фаворизираат граѓаните од скопско кои физички можеа да ги достават барањата додека граѓаните од внатрешноста мораа по пошта да ги испраќаат а условот е „прв дојден прв услужен“. Парапелено со огласот не се знае колку инвертер клими би се доделиле во Југоистокот односно дали има квоти по плански региони.
,, Нема логика. Уште во четвртокот и петокот имаше редици колони во Скопје пред Министерството за економија за аплицирање и дека илјадници аплицирале. Јас на третиот ден од огласот во понеделник отидов да заверам изјава пред нотар за да аплицирам, планирајки во вторникот да ги испратам по пошта кога протече информација дека Министерството за економија го повлече огласот заради голем број пријави. Баш ме интересира колку граѓани од внатрешноста имаат аплицирано и кои се ќе добие ваучери за инвертер клими,, прашува Ристо Стојанов од Струмица .
Од Министерството за економија не одговорија колку апликации има од Југоистокот или одделно од останатите плански региони. Соопштија дека вкупно пристигнале 10 илјади барања за ваучери а две комисии ќе го изготват финалнииот извештај и списокот кој ќе биде поделен на два дела првиот за Пелагонсикит и Југозападниот а вториот за останатите шест плански региони. Ова знчаи дека граѓаните од Југоистокот се со жителтие на уште други пет региони меѓу кои и од Скопје кои беа во предност со апликациите и правилото прв дојден прв услужен
,, Предвидени се 4 000 ваучери во висина од 25 000 денари во бруто износ за домакинствата од Пелагонискиот и Југозападниот, додека за Скопскиот, Источниот, Југоисточниот, Североисточниот Вардарскиот и Полошкиот ќе се доделат 4 782 ваучери кои треба да добијат по 23 илјади денари бруто“ информираа од Министерствотo. ( В.Трајков )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
