Градоначалникот на Василево Марјан Јанев вечерва на својот ФБ профил објави дека не се согласува со одлуката на Уставен суд со која ја укина владината уредба фунцкционерите, пратениците, судиите, обвинителите да земаат минимална плата од 14 500 денари за април и мај. Тој одлуката ја оцени како пристрасна, несолидарна и како што напиша тој ќе зема плата од 14 500 а разликата до целиот износ на неговата нето плата ќе ја уплати во Државниот фонд за помош на граѓаните и фирмите
,,Како градоначалник на општина Василево не се согласувам со донесената одлука на Уставен да се укине владината уредба – функционерите, пратениците, обвинителите, судиите за април и мај да земаат плата од 14 500 денари. Во време кога цел свет се бори со пандемијата предизвикана од КОВИД -19 и сите повикуваме на солидарност и помош, одлуката на Уставен ја сметам за пристрасна, нечовечка и несолидарана. Затоа сакам да ја информирам јавноста дека поради лична желба, лична одговорност и солидарност во овие моменти, за месеците април и мај ќе земам плата од 14 500 денари додека остатокот односно останатите средства до целиот износ на мојата нето плата ќе ги уплатам во Државниот фонд за помагање на граѓаните и фирмите со цел заеднички да ја пребродиме ова криза,, напиша Јанев
Тој паралелно ги повика и сите други носители на функции да покажат солидарност за да се преброди ова здравствено економска криза предизвикана од вирусот КОВИД -19
,,Сметам дека сите треба да покажеме солидарност во овие мигови и да ги оставиме личните интереси бидејки станува збор за два месеци . Затоа упатувам апел до сите носители на јавни функции да бидат солидарни и индивидуално да дадеме придонес против ова ситуација и што побрзо да излеземе од кризата’’, напиша градоначалникот на Василево Марјан Јанев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
