Членовите на карневалската група “Китка“ од Струмица ја финишираат маската „Жена“ со која ќе продефилираат по струмичките улици утревечер на Струмичкиот карневал. Околу два месеци рачно ја работат маската со која сакаат да ги презентираат двете лица на жената, дека таа може да биде нежна мила и добра но и дека може да биде ѓаволеста, нервозна, греблива. Вака подвлече Славица Тасева од групата „Китка“ која со уште други 17 жени во изминатито период речиси секоја вечер, работеа на маската во која ќе доминира розево-црната боја.
,, Животот на жената се состои од два циклуса. Едниот е розев, другиот црн. Зошто розев, зошто црн. Понекогаш жената може да биде нежна, мила, добра, фина а понекогаш може да биде ѓаволеста, нервозна, греблива, жена што напаѓа. Ние во сабота ќе бидеме поделени. Половина розеви, половина црни. Ќе го повикаме мажот, јас сум жена дојди да живееме заеднички живот и да се пепознаеме исто како на Тримери,, вели Тасева
Карневалската група ,„Китка„ брои 18 членови исклучиво жени кои со години настапуваат на Струмичкиот карневал. Годинава се одлучиле за оваа маска бидејки карневалот е поврзан со Тримери кога армасаната или невестата требало да го препознае момчето под маска и празник кога се служи посна храна а се пеат еротски песни со цел да се подготви невестата за брачниот живот.
,, Идејата за маската дојде од еден член со која се согласиваме сите. Сакаме жената автентично да ја пренесеме. При изработката на маската користевме текстил, сунгер, ластика, пердуви, самолепливи фолии и рачно ја работиме. Ќе бидеме атрактивни по струмичките улици со длабоки чизми но и добар сценски настап за што вежавме во Глобал,, кажа Тасева
Карневалот ќе биде утревечер со вкупно 47 маски од земјава и странство (В. Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
