Ќе се прави Музеј на вода на Дојранското езеро преку реконструкција на праисториската наколна населба кај Мрдаја. Вака најави министерот за култура и туризам Зоран Љутков при денешната посета на Дојран. Тој на својот ФБ профил објави дека има идејно решение а следната годинаќе се прави основниот проект. Музејот треба да биде на езерската површина кој ќе привлекува голем број туристи
„Идејниот проект е изработен од Завод и музеј, Струмица, а од следната година се очекува подготовка на основниот проект за изградба на музејот. Реконструираната наколнa населба – Музеј на вода, поставена директно на езерската површина, ќе биде жив музеј на отворено, кој ќе ги привлекува посетителите со својата автентичност, визуелна атрактивност и едукативна вредност“, вели Љутков во објавата на социјалните мрежи.
Министерот потенцира дека, во комбинација со богатото природно, историско и културно наследство на Дојран, овој проект имал потенцијал да го позиционира градот како водечка дестинација за културен и археолошки туризам – не само на национално, туку и на регионално ниво.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
