Љупче Дориев од Зубово кој потекнува од струмичката фудбалска школа е прогласен за играч на месецот и странец во суперлигашкото натпреварување во Узбекистан. Наградата доаѓа откако Дориев последниве неколку кола почна да ги тресе противничките мрежи. Постигна постигна хет-трик против Бунјодкор, два му даде на АГМК и по еден на Навбахор и Андиџан.
,,Ја очекував ова награда бидејки секогаш ми е цел да бидам најдбар и се трудам максимално да ја оствар таа цел. Наградата секако дека ми е императив но пред се ми се тимските награди и успеси, бидејки ако имаме успех како колетив тогаш и индивидуалните работи ќе излезат на виделина,, рече Дориев за Дрнка.МК
Струмичанецот оваа сезона има постигнато девет гола во узбекистанската Супер лига а запиша и две асистенции. На негова адреса веќе стасале понуди од други клубови но како што кажа фокусот ќе му биде Согдиана а на зима ќе размислува за понудите. Тој на трансфермаркт почна да котира доста високо.
,,Со оглед на сезоната што ја имам веќе има интерес но фокусот ми е Согдиана бидејки до декември имам договор и сакам максимално да го одработам. Здравје со господ напред зимата ќе размислувам за понудите,,кажа повремениот македонски репрезентативец кој за последните настапи не доби покана од селекторот Милевски
За Дориев фавороти на ЕП во Германија се селекциите на Португалија и Франција (Б.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
