„За да има владеење на правото, треба да има квалитетни закони и квалитетни правници, во Република Северна Македонија има дури 24 правни факултети, дали ни се потребни“ истакна Ангел Ристов претседател на Институтот за економски правни истражувања „Јуридика Прима’’ на симпозиумот во Струмица за улогата и значењето на правната држава за владеење на правото и негова примена во практиката.
Од овој Институт сметат дека треба да се продуцираат квалитетни правнички кадри во државата, но и квалитетни закони што ќе се носат во консултација со практичарите оти досега се носеле закони без да се консултира правничката фела кои потоа тешко се применувале во праксата.
Меѓународната научна и стручна конференција во Струмица е во согласност со процесот на отворање на пристапните преговори со ЕУ и поглавјето 23 правосудство. Ристов смета дека правниците од државата се обединети да одговорат на барањата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
