Општина Дојран преку ЈП Тауријан почна да ги нуди и реализира рутите за прошетка за гости и посетители кои престојуваат или имаат намера да го посетат ова туристичко место. Станува збор за три рути кои ќе им бидат понудени на организирани групи од минимум 10 члена за кои јавното претпријатие им овозможува туристички водич, опрема. Првиот човек на Дојран Анго Ангов вели дека Дојран има што да понуди и во изминатиот период контуинирано се вложувало да се привлекуваат туристи и посетители и надвор од летната сезона.
,, На програмата, ЈП Тауријан има три рути. Едната е со електрични велосипеди а другите две се пешачки. Дојран има што да понуди, не е само езерото и туризмот преку летото. Нашата интенција е во Дојран да има постојано гости. Како општина изминатиот период инвестиравме во пешачките и вело патеки покрај езерото, патеките од калдрма во горниот дел на Дојран, ја реставриравме турската бања, ја подигнавме Саат кулата која е белег на ова туристичко место. Знaчи имаме инфраструктура, културно историско богатство а како место и одлична кујна. Како општина преку јавно претпријатие стоиме на располагање на сите гости и посетители што ќе дојдат да им ги понудиме убавините на Дојран, независно дали ќе бидат на еднодневна екскурзија или ќе престојуваат неколку денови во Дојран,, ни изјави градоначалникот на Дојран Анго Ангов
Од ЈП Тауријан ги објаснија сите три рути. Првата е долж Дојранското езеро или е наречена ,,езерска“ . Таа ќе се практикува со електрични велосипеди и посетителите ќе се движат од амфитеатарот до калдрмата по патеката со неколку точки на застанување каде ќе бидат информирани за езерото, неговиот биодивеерзитет а од стари и искусни рибари ќе дознаат за традициоанлниот начин на рибарање во Дојран
Втората рута е пешачка и е именувана како „културнo – историска рута“. Се почнува од црквата „Св. Илија“ и туристите се шетаат по патеките од калдрма до манастирот „Марија Магдалена“ па од таму до турската Бања што се реставрираше па до Саат кулата која се подигна и се завршува на придно историскиот музеј каде посетителите може да видат историски експонати но и од богатата флора и фауна од езерото.
Третата рута е целодневна до фронтовската линија од Првата светска војна за која интерес имало од посетители од Англија, Бугарија и Србија преку тур оператори.
,,Таа е ридско планинска од Стар Дојран до фронтовата линија каде гостите придружувани од туристички водич ќе добијат информации за случувањата од Првата светска војна. Tокму на Фронтовата линија се наоѓа Фердинандовата чешма кој е воен споменик изграден од бугарската армија во 1916 година за време на Првата светска војн a до неа се наоѓа спомен плоча подигната во чест на паднатите војници од 22 англиска Дивизија како и бункерите на Кала Тепе “ ни изјави директорката на Тауријан Роза Режак
Впрочем овие рути беа понудени и на саемот во Белград со оглед на огромниот број транзитни туристи од Србија. Деновиве во Дојран веќе имаше тури кои во организирана форма ја прошетаа „културно историската“ рута и уживаа во убавините на стариот дел на Дојран за да на крајот завршија на дојранската традиционална кујна
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
