Градоначалникот Петар Јанков за прв човек на Јавното претпријатие за заловување и третман на бездомните кучиња ,,Стационар – Лана“ го назначи Томе Михаилов. Како што објави првиот човек на Струмица – Михаилов е ветеринарен техничар и дипломиран земјоделски инженер со работно искуство како државен фитосанитарен инспектор. Томе Михаилов доаѓа на местото Сузана Стојкова која на оваа позиција е од самиот почеток на оваа јавно локално претпријатие
,, На средбата која ја имавме уште еднаш ги потврдивме нашите заеднички заложби за хумано постапување, подобри услови за згрижување и ефикасни мерки за справување со проблемот со бездомните кучиња. Верувам дека преку координирана работа, размена на информации и планирани активности, ќе обезбедиме поодговорен и одржлив систем кој ќе придонесе за побезбедна и похумана заедница за сите,, објави на ФБ градоначалникот на Струмица Петар Јанков
Инаку Стационар Лана за првите 9 месеци од годинава има заловено 217 кучиња. Извршени се 156 кастрации/стерилизации а на местата од каде се подигнати, вратени се 200 бездомни кучиња. Освен во Струмица оваа јавно претпријатие заловување врши и во општините Ново Село, Босилово, Дојран, Богданци и Радовиш со кои има склучено договори .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
