Бекот на струмичките синобели – Јордан Серафимовски против прилепска ,,Победа” го одигра 100 тиот натпревар за ,,Беласица” за што од претседателот на клубот Славчо Васков Пинда доби дрес за неговиот јубилеј. Јорде е дете на ,,Беласица” по што играше во ,,Тиверија” а последните 4 сезони повторно се врати кај синобелите со кои го изоде патот од Трета до Прва лига.
,,Во Беласица сум од дете, каде ги поминав сите младински категории до Првата екипа. Три години настапував за ФК Тиверија а од пред 4 години се вратив повторно во ФК Беласица. Има повеќе натпревари кои ми се драги, но посебно би го издвоил натпреварот со ФК Кожуф на домашен терен, на кој со висока и убедлива победа го официјализираме враќањето на Беласица во Првата лига после долги години,, ни изјави Серафимовски
Серафимовски го одигра целито меч против Победа со која ремизираа 1:1. Верува дека Беласица ќе опстане во елитата поради што кога го примил дресот од Пинда си посакал Беласица и догодина да биде во Првата лига и да игра за неа.
,,Атмосферата е на високо ниво, сите веруваме и се надеваме на опстанок во прволигашкото друштво и мислам дека тоа ќе го оствариме. Желбата за 100 тиот натпревар ??? Се знае и догодина Беласица пак во Прва лига,, изјави за Дрнка.МК Јорде Серафимовски
Беласица е на претпоследната позиција на прволигашката табела и ја делат 4 бода од осмата позиција која носи бараж за опстанок.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
