,, Нема помило, нема посветло, како што е својот роден крај. Таму сонцето грее најсилно, таму е мојот почеток и крај” . Ова се рефренските стихови на новиот сингл на Јордан Митев кој го промовираше со спот од Австралија каде се наоѓа на едномесечна турнеја. Станува збор за песна во која се опишува љубовта кон својата татковина и родниот крај, која пак на Youtube каналот за кусо време веќе има десетици илјади прегледи .
Музиката, текстот и аранжманот за песната ,, Роден крај” ги напиша Јордан Митев а и за ова песна аудио продукција е на студиото ,,Анастасија” од Скопје додека видео спотот го реализираше со продукциското студио “BY ZATI”.
,,Почуствував дека треба во моментов да напишам песна за родниот крај. Песната не ја локализирав бидејќи сакав секој да се пронајде во истата, поради една едноставна причина. Секој човек си го сака сопственото родно место, барем јас така мислам и би требало да си го сака и почитува без разлика какво е. Тој што не си го сака коренот, тој што не си го почитува коренот е како дрво без корен, или вештачка китка. Колку и да е убава таа е вештачка,, изјави за Дрнка.МК Јордан Митев кој ги полни салите на турнејата во Австралија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
