Младиот Јовче Пандев деновиве го промовираше својот нов сингл со видео спот насловен ,,Вина Девица’’ песна која има блуз кантри призвук. Пандев е автор на музиката и текстот, а во музика му помогна и неговиот колега Живко Барбутов, аранжманот е на Иван Петровски.
„Ова е поразличен призвук од претходните две песни. Во случајов има некаков блуз кантри призвук кој дава чувство единствено на „возење“. Текстот зборува за еден искрен морал, кој се оправдува единствено со желбата за малку блудничави постапки на релација жена-маж и обратно’’ изјави за Канал 77 Јовче Пандев
Продукцијата на спото е на Горан Гешовски, сценариото за видеото е на самиот Јовче под режисерската палка на Столе Ангелов, додека монтажата на видеото е на Дени Апостолов.Видео спотот е снимен на две локации, во Рок кафана „Рустикана“ во Скопје и во Овче Поле.
„Одиме понатаму, следува уште еден сингл до крајот на годината, и уште неколку до целиот албум. Блузот ни од далеку не е мртов, сагата само го репродуцира. Да живее истиот и секако Македонија!“, вели кантавторот Јовче Пандев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
