Ѓоре Јовановски по вчерашниот пораз од Борец во Велес си поднесе оставка од кормилото на струмичка Беласица која се наоѓа на последната позиција на прволигашката табела и грчевито се бори за опстанок. Откако одлично стартуваше во вториот дел со победа над Ренова во Тетово со 4:2, поразите дома од Струга и во гости кај Борец, Јовановски си поднесе оставка од функцијата шеф на стручниот штаб. Тој за порталто спортмедија кажа дека заминал бидејки со раководството на клубот не биле на иста бранова должина
„Си заминав, не сум веќе тренер на Беласица. Едноставно со раководството на клубот не сме на иста бранова должина. Ми беше чест да бидам дел од клуб како Беласица и тренирам такви играчи какви што има, и им посакувам се најубаво. На играчите имам да им порачам – момци, имате квалитет да останете во лигата“, рече Јовановски за „Спортмедиа“.
Јовановски дојде во јануари и ја водеше екипата на Беласица во подготвителниот период за проелтнито дел. Донесе и неколку засилувања кои требаше да помогнат на струмичките сино бели да го подобрат впечатокот во пролетната полуетапа. Јовановски беше третиот стратег на Беласица по Ване Милков и Шефки Арифовски. Неизвесно е кој ќе ја води екипата за неделното градско дерби против Академија Пандев
Беласица со 3 победи исто толку нерешни исходи и 15 пораза е на последната позиија со вкупно 12 бода и еден од најсериозните кандидати за преселба во Втората лига.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
