Јасминка Гарванлиева од Струмица која е родум од Демир Хисар има интересно хоби кое полека и прераснува во основна дејност и од која планира да заработува. Таа прави уметнички дела од природно сушено цвеќе кое го собира во текот на цела година, го суши и пресува а потоа сето тоа го аранжира во соодветни дела во рамки со стакла. Таа неодамна се појави на базарот во Струмица и ги изложи своите уметнички дела во кои доминираат различни цветови. Со нив „насликани“ се животни, природни пејсажи и одлични геометриски фигури….
,,Ми треба околу еден месец да се исуши цветовите или цело растение а за аранжманот трошам ден или два во зависност од големината на композицијата што ја правам. Цветовите ги собирам од секаде. Од природата, дворовите а некои ги одгледувам. Љубител сум на природата и животните. Вложувам доста време и труд но за жал овде малку се ценат рачните изработки. Сите ние што се занимаваме со рачни изработки ќе мора да добиваме одредена поддршка“ вели Јасминка Гарванлиева од Струмица. (В.Трајков /фото Дрнка.МК)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
