„Наредните седум дена очекувам голема посетеност на Струмица и секој добронамерник да ужива во позитивната енергија, добрите забави и програмата што ја нуди Струмичкиот карневал“. Така потенцираше градоначалникот на Струмица Петар Јанков во изјава за МТВ подвлекувајки дека годинава има и новитети кои носат дополнителна можност за уживање како што е концертот на Џајковски.
Според него карневалот е добар за локалната економија со оглед на исполнетите угостителски и сместувачки капацитети но и можност да Струмица да се позиционира како туристичка дестинација надвор од Македонија.
,, Овие денови нашите угостителско и туристички капацитети се преполни што е добро за локалната економија. Карневалто носи и поголема афирмација на Струмица пошироко. Карневалот е познат и наш бренд кој мора да го негуваме и се надевам дека од година во година ќе биде повидлив надвор од земјава“, кажа градоначалникот Јанков
Тој упати апел и порака до сите да допатуваат и овие денови да бидат во Струмица и да уживаат во богатата програма, добрите забави и со себе да понесат добри сеќавања и позитивни спомени од карневалот. (В.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
