Градоначалникот на Општина Струмица Коста Јаневски при денешната посета на ООУ ,, Сандо Масев” ги промовираше трите општински проекти со кои се очекува значително да се помогне на родителите чии деца се школуваат во ова општина. Тој денеска истакна дека се општински средства е набавен училишен прибор за деца чии родители имаат ниски примања или пак се корисници на социјална помош
,,Тоа се проектите кои што содржат набавување на училишен прибор за деца чии родители имаат пониски примања или се приматели на социјална помош и сите оние проширени категории кои што ги опфаќа Законот за социјална и детска заштита. Околу 820 дечиња ќе добијат бесплатен училишен прибор кој го финансира Општината, се надевам дека ќе биде значителна помош за децата и родителите,, кажа градоначалникот на Струмица Коста Јаневски
Тој денеска истакна дека и ова година се обезбедени училишни униформи за околу 620 првачиња. Униформите се набавени со општински средства и е втора година по ред како првооделенците од општина Струмица добиваат бесплатна униформа. Меѓу другото тој го најави и третиот проект или мерка со која очекува учениците основци да стекнат здрави навики а станува збор за секојдневна ужинка со овошје.
,, Тоа е проект кој лани го најавивме а ова учебна година ќе го реализираме. Станува збор за здрава ужинка за секое дете, конкретно здрав оброк – овошје со кое се надевам дека ке ги потикне децата и нивните родители за здрави навики, за корисноста од секојдневното консумирање овошје,, рече градоначалникот Јаневски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
