Здружението Рурална Коалиција, Кичево објавува Јавен повик за изразување на интерес за објава и промоција на изработено едукативно видео и новинарска истражувачка стoрија на теми поврзани со ЕУ интеграциите, родовата еднаквост и нејзиното практикување во општините. Едукативното видео и истражувачката сторија се изработени во рамки на проектот ,,Со европско знаење за подобрена родова еднаквост во локалната заедница“, имплементиран од Рурална Коалиција е поддржан од Реактор – Истражување во акција и нивните партнери преку акцијата „Унапредување на родовата еднаквост во процесот на пристапување во ЕУ“. Акцијата е финансирана од Европската Унија и кофинансирана од Шведска.
Оваа објава е создадена со финансиска поддршка на Европската Унија, ко-финансирана од Шведска. Содржината е единствена одговорност на Рурална Коалиција и не ги одразува ставовите на Европската Унија или Шведска.
Проектот се имплементира во општините: Кичево, Пласница, Гостивар, Врапчиште, Прилеп и Кривогаштани.
Проектот е дизајниран да обезбеди конкретни резултати во период од петнаесет месеци на имплементација и да се осврне на унапредувањето на родовата еднаквост во локалната заедница преку остварување на следниве три резултати:
- Подобрени знаења и капацитети на локалните грасрут организации, како и жените од руралните средини со цел активно учество во следењето и родовата анализа на програмите на општините како еден од методите за активирање на локалната заедница во процесите на интеграција во ЕУ;
- Засилено вмрежување и учество на локалните чинители во процесите на интеграција во ЕУ преку застапување до локалните власти за специфичните потреби на мажите и жените во руралните области;
- Подигната свест и информации кај жените и мажите во руралните средини и локалните основни организации за родовите димензии во процесот на пристапување во ЕУ, како и нивното значење и влијание.
Опис и цел на повикот
Отворениот повик има цел да се изберат 3 електронски медиуми/портали и/или традиционални медиуми кои што ќе бидат заинтересирани за објава на едукативното видео со маскимална должина од 4 минути и новинарска истражувачка сторија со времетраење од 9 минути.
Ваквата јавна објава на видеото и сторијата треба да ја зголеми свеста кај пошироката јавност и во руралните средини за интеграцијата во ЕУ, партиципативната демократија и родовата компонента во овие процеси. Видеото и сторијата ќе се дистрибуираат и преку социјалните мрежи со цел да се дистрибуира до поголем број рурални жители (мажи, жени, млади).
Делокруг на задачата
- Објава на едукативното видео и новинарската истражувачка сторија на електронскиот портал или ТВ медиум со целосна должина, логоа и текст;
- Објавата на промотивните видеа треба да трае до 31-ви мај 2023 година;
- Спроведување на правилата за видливост на донаторот во соработка со проектниот тим.
Надомест
Вкупиот надомест за извршените услуги не треба да ја надминува сумата од 100 (сто) евра во денарска противредност.
Изразување на интерес
Изразувањето на интерес се врши со испраќање на потврдна порака на електронската адреса rkoalicija@gmail.com најдоцна до 30-ти април 2023 година. Во пораката треба да се наведе електронскиот портал или ТВ каде што ќе бидат објавени промотивните видеа.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
