Струмичкиот Завод и музеј Струмица годинава ќе реализира над 35 проекти од музејската дејност но и од областа на заштита на недвижното културно историско наследство, за што ова институција ќе има на располагање околу 6,5 милиони денари или околу 105 илјади евра што е повеќе за околу 30 илјади евра од лани. Вака потенцираше директорот на Завод и Музеј Струмица Бранко Ѓоргиев кој подвлече дека со овие пари ќе се овозможи стекнување на нови сознанија како и промоција, презентација и заштита на културно историското наследство во Струмичко но и во Југоистокот . Парлалено преку Министерството за култура и од ЕУ се очекуваат околу 240 милиони денари за капитални повеќегодишни проекти во Струмица и Југоистокот.
Во делот на музејската дејност, одобрени се 21 проект за што се предвидени околу 3 милиони денари. Со овие пари се планира: Реализација на проект за осовременување, реконцепција и напосредна заштита на Меморијалниот музеј посветен на народниот херој Благој Јанков-Мучет, Каталог на монети од XIV до XX век, Систематски археолошки истражувања на неолитската населба „Орниче“ кај с. Костурино, Млади археолози – едукативни работилници., Изложба: Средновековните тврдини во Југоисточниот регион на Република Македонија (11-14 век)., Етнолошки белешки –печатено издание, Народната облека и накит опеани во македонската поезија – работилница за деца.
Во делот на заштита на недвижно културно историско наследство, струмичкиот Завод и музеј ќе има на располагање 3 050 000 денари со кои ќе се реализираат 14 проекти. 4 се однесуваат за изработка на основни конзерваторски проекти на движното и недвижно културно наследство. Тука се планира изработка на основен проект за пет објекти од централното и југоисточното плато на локалитетот „Цареви Кули“, изработка на основен проект за конзервација и реставрација на црквата „Св. Атанасиј“ во с. Габрово, кај Гевгелија. Пото се планирани три проекти за непосредна заштита и тоа: конзерваторско-реставраторски работи на споменучната целина Бања Банско, кај с. Банско, Струмичко, конзервација и реставрација со археолошко доистражување на подните мозаици од археолошкиот локалитет „Мачук“ во Струмица, конзервација и реставрација на Одбранбената кула – Пирго кај с. Мокриево, општина Ново Село .
Како што кажа Ѓоргиев ќе има заштитни археолошки истражувања на локалитетот Св. 40 севастиски маченици, кај с. Банско, Струмичко, заштитни археолошки истражувања на езерската наколна населба „Мрдаја“ во Дојран, како и два проекти за изработка на документација на културното наследство, еден проект за популаризација на културното наследство, еден меѓународен симпозиум, 5 публикации и сл.
На денешната прес прес-конференција директорот на струмичкито Завод и Музеј споман и за капталните инвестиции кои се повеќегодишни проекти
,,Реализација на основен конзерваторки проект на црквата „Св. Кирил и Методиј“ во Струмица. За реализацијата на овој проект се одобрени 15.000.000 денари. Понатаму следува: реализацијата на основен конзерваторки проект за санација на кровот на манастирот „Св. Леонтиј“ во с. Водоча со буџет во висина од 1.200.000 денари како и довршувањето на проектот „Стар струмички театар“ за кого се предвидени над 196.000.000 денари.,, кажа Ѓоргиев
Тој подвлече дека со пари од ЕУ од програмта за прекугрнаичан соработка со Грција ќе се изработи кровна констуркација на античкото термално лекувалиште во с. Банско. Проектот е одобрен и за негова реализација се издвоени 25.830.000 денари. Проектот ќе се имплементира со музејот од Кукуш (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
