Неделава, Валандово ќе биде во знакот на музиката бидејки на 30-ти и 31-ви мај ќе се одржи годинашново издание на Фолк Фест Валандово, најстариот и најреномиран музички фестивал на македонска новокомпнирана народна песна. Деновите на музиката во Валандово ги отвара Ѓоко Јовиќ со Енерџи Бенд кој на 27 мај на плоштадот ќе одржи концерт на отворено.
Јовиќ со бендот најавуваат одлична забава, бидејки на концертот ќе бидат изведувани не само песни хитови од Фолк Фест Валандово туку и песни од репертоарот на овој бенд кој е еден од најбараните во земјава. Концертот се очекува да започне во 21 часот на плоштадот во Валандово
Според програмата Деновите на музиката во Валандово продолжуваат и во вторник навечер кога свој концерт на плоштадот ќе има Астра Бенд со почеток во 21 часот а во истиот термин во среда вечер концерт за посетителите и гостите во Валандово ќе има фолк пејачката Сузана Гавазова.
Организаторот на Фолк Фест, општина Валандово најавија извонреден фестивал со многу квалитетни хитовски песни. Ревијалната вечер е во четврток додека во петок е финалната вечер кога ќе бидат интерпретирани нови 20 фолк песни кои беа избрани од комисија при програмскиот совет на Фестивалот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
