Џоко Шуклев и Ѓорге Николов кои лани реставрираа ,,рено 4’’ и со него патуваа до Франција, утревечер тргнуваат за Кина откако пакистанските властите не им гарантираа безбедност да поминат преку нивната држава за планирата дестинација до Мумбај – Индија. Станува збор за дестинација од 23 илјади километри за да докажат дека старо возило може да биде во функција и за огромни далечини а својата мисија ја почнуваат вечерва.
,,Мисијата до Индија се откажа поради тензиите меѓу Индија и Пакистан . Не добивме силни гаранции дека се ќе помине без проблем во делот меѓу Иран и Пакистан каде што контролата ја имат локалното население со локални шерифи. од таа причина се одлучивме со Реното да патуваме до Кина конкретно до Пекинг за да го посетиме кинескиот ѕид”, ни изјави Џоко Шуклев кој не информираше дека и овој пат во реното ќе нема клима туку мал вентилатор доколку се соочат со високи температури
Двајцата возачи изминатиот месец интензивно работеа на подобрување на перформансите на возилото кое е произведено 1978 кај мајстор Владе и во работилницата на Шуклев. Буквално сменети се сите дотраени делови на реното кое стана легендарно а лани во август имаше дипломатски пречек во Стојаково откако извози околу 5 илјади километри од Стојаково до Франција и назад
,, Патуваме од земјава преку Србија до Унгарија. Од таму се упатуваме кон исток кон Украина па одиме до Москва Русија и патуваме низ јужната транзверзала на Русија до Монголија од каде се спуштаме во Кина. Попатни станици се Будимпешта, Лвив, Киев, Москва, Казан, Екатеринбург, Новосибирск, Улан Батор и Пекинг. Сметаме дека со колегата Николов психофизички сме подготвени да го издржиме овој потфат кој ќе трае повеќе од месец дена,, вели Шуклев
(Логото го изработи Михаела Пеев )
Новата мисија на двајцата стојачани ја помогнаа голем број фирми но и општина Богданци додека МНР ги обезбеди визите за Русија, Монголија и Кина при што им даде и контакт центри за било каква помош при ова делница
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
