Добро познатите авантуристи од Стојаково Општина Богданци Џоко Шуклев и Ѓорѓи Николов кои пред половина деценија станаа хит во Македонија со своите потфати со возилото Рено 4 сега старо 45 година, викендов ја преставија Македонија на Фестивалот на Рено 4 во Тоскана во Италија. Станува збор за интернационален фестивал на кој се преставуваат возилата ,,Рено 4“ од целиот свет со кои има и натпреварувачки каракатер.
,, Околу 170 возила ,,Рено 4“ има од целиот свет. Навистина добра глетка овде во Тоскана каде се дружиме и разменуваме искуства за овие легендарни возила. Дел од присутнтие не препознаа бидејки сеуште се прераскажува нашиот потфат за возење од Македонија до Кина и заглавувањето на границата во Монголија“, ни изјави Џоко Шуклев
Но на фестивалот во Тоскана Италија, Шуклев и Николов заминаа со две возила Рено 4. Легендарното со кое патуваа до Франција и Кина но и со едно поново старо 35 години кое го реставрираа со Петар Лачков и Трајче Јованчев исто така од Стојаково кои се дел и од македонската експедиција
,, Освен со ,,нашето“, во Италија сме со уште едно возило „Рено 4“ произведено 1990 година. Реставрацијата ја правевме во Стојаково и ни помогнаа Петар Љачков и Трајче Јованчев со кои стасавме овде. Се беше набрзина буквално тргнавме без сон Во едното сме јас и Петар а во другото е Николов и Јованчев. Овде стасавме за 30 тина часа. Само точевме гориво по пат а далечината е околу 1700 километри“, раскажува Шуклев
Протагонистите од Стојаково се единствените од Македонија но и од Балканот. Како што вели Шуклев има возила Рено 4 од Хрватска но не така популарни како македонските кои станаа атракција во 2018 тата и 2019 тата кога двајцата другари прво тргнаа за Ница Франција а потоа и за Кина но мораа возилото да го остават на границата со Монголија. ( В.Трајков)
Приказните за Шуклев и Николов и нивните патешествија до Ница и Кина и планот до Индија може да се прочитат ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
