Струмички Портланд ОПЦ ќе врши реконструкција на рекреативното катче за деца и млади кај Домот на културата Бранд Петрушев во Богданци, кој на распишаната јавна набавка од страна на општина Богданци, достави најниска цена. Според договорот вреден 2 милиони и 270 илјади денари, реконструкцијата на игралиштето кај Домот на културата во Богданци треба да се реализира во рок месец дена од воведувањето во работа на изведувачот. Реконструкцијата на ова детско игралиште произлезе откако не беше искористен целиот грант од швајцарците во висина од 50 илјади франци
Планирано е на просторот да се постави: Детско катче во форма на замок со димензии на безбедност 17 на 12 метри и висина 7 метри. Замокот ќе содржи двет метални платформи обложени со ПВЦ пластисоп со повеќе лизгалки од различни височини, тунел со два излеза и украсни полиетиленски фигури. Исто така е планирана и Детска лулашка со димензии 3 на 2 на 1 метар со две полиетиленски двослојни корпи за лулање.
На просторот се планирани и 6 фитнес справи од кој една ќе биде наменета за лица со посебни потреби со две функции, фитнес реквизит во форма на статичен велосипед за вежбање на раце и нозе, фитнес реквизит во форма на статичен велосипед за вежби на цело тело и два други фитнес реквизита за правење склекови и вежби на цело тело. Еден фитнес реквизит ќе биде наменет за вежбање на мускулите на раце и нозе и тој може да го користат двајца истовремено.
во ова катче се планирани и 5 корпи за отпадоци, 9 клупи за седење ќе биде ограден со панелан ограда а на околу 135 метри квадратни ќе има вештачка трева
Средствата за реализација на овој договор во износ од околу 545 илјади денари се обезбедени од проектот Зајакнување на општинските совети финансиски подржан од Швјацарската агенција за развој и соработка со чија помош се реализира проектот ,,Безбеден граѓанин-Среќен граѓанин’’ додека остатоткот од Буџетот на општината.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
