Трите ракометни суперлигаши од Југоистокот искусниот Радовиш и новајлиите Астраион од Струмица и Младост од Богданци вчера дознаа во кои групи ќе играат следната сезона и со кои противниците ќе поделат се соочат за пласман во Плеј офот или во борбата за опстанок. Како што е познато Супер лигата годинава ќе брои 14 екипи која е поделена во две гупи од по 7 екипи.
Првите три од двете групи обезбедуваат пласман во Плеј офот каде ќе им се приклучат и Варар и Еурофарм додека останатите 8 ќе играат во Плеј аут лигата при што првиот останува во Супер лигата а вториот ќе игра бараж додека останатите 6 екипи се селат во понизок ранг.
Во групата А се екипите на Струга, Јуниор Кисела Вода, Астраион, КЛ7, Охрид, Радовиш, Пролет, додека во групата Б Прилеп, Металург, Работнички, Младост Богданци, Тиквеш, Бутел Скопје, Еурофарм Пелистер 2. Суперлигашите од Југоистокот сметаат дека ќе биде интересна и возбудлива следната ракометна сезона во која сите ќе се обидат да го задржат суперлигашкиот статус.
Љупче Мијалов од РК Радовиш смета дека групата во која се нашле на прв поглед е полесна од Групата Б но смета дека секој натпревар ќе биде тежок.
,,Како фаворити во групата исо оглед на ланскиот пласман треба да се Охрид и Тинекс Пролет кои лани завршија на 2 и 3 место пред да се прекине првенството. Нашата екипа веке константно 8,9 години се натпреварува во Супер лигата. Лани бевме 5 ти пред прекинот но оваа сезона пак ке кажам ке биде тешко ама очекувањата ни се дека може да стигнеме до 3 место во групата и да играме во Плеј оф завршницата. Но мора да бидеме претпазливи бидејќи имаме екипи кои за прв пат ке се натпреваруваат во супер лигата( Астарион, Јуниор К.Вода и КЛ7) и сигурно ке бидат многу мотивирани да се прикажат во најдобро светло,, вели Мијалов од РК Радовиш
Ратко Макенаџиев од РК Астраион смета во новата сеозна ќе биде пресудна желбата и залагањето на ракометарите на теренот
,, Планот за ова година е опстанок во елитата, стекнување искуство како на играчите така и на управата. Сепак да не заборавиме дека Астраион постои само 5 години. Сепак тоа не ни дава за право да се опуштиме. Напротив ни дава уште поголема мотивација за работа посебно со младите категории. Може да ветиме дека играчите ќе ,,гинат’’ на терен за боите на Астраион и Струмица а ако се укаже најмала шанса зошто не и излез во Евроа. Во секој случај драго ни е што во Струмица ќе се игра врвен ракомет,, вели Макенаџиев од РК Астраион од Струмица
Никола Роглев од Младост Богданци вели дека се нашле во потешката група која ќе биде предводена од Металург но ќе дадат максимум оти Богданци копнее за врвен ракомет
,, За другите екипи во групата Б сметаме дека може да се надигруваме речиси со секој иако мора да го издвоиме и Бутел кој исто така годинава ќе се натпреварува во еврокуповите и ќе важи за фаворит. Останатите екипи би требало да го дадат третиот патник за Плеј офф натпреварите. Хендикеп за нас ќе биде неможноста да не бодрат богданчани кои за врвен ракомет чекаа 12 години и ја полнеа салата Млаз. Но во соработка со градоначалникот Блажо Шапов договорено е да биде поставен видео бим на плоштадот во Богданци каде во живо ќе се следат натпреварите,, вели Роглев од РК Младост Богданци
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
