Во организација на ИПА Регион Струмица на стрелачкиот центар ,,Мегдан“ кај Попчево се одржа вториот турнир во стрелаштво „ИПА Мегдан 2024„. Станува збор за турнир на кој имаше 36 натпреварувачи во стрелаштво во три категории и тоа пиштол, категорија трап и категорија малокалибарска пушка. Учествува учесници и гости од Скопје, Охрид, Куманово, Штип, Струмица како и од ИПА Тиквеш-Повардарие и ИПА Црна Гора.
,,Настанот помина во духот на принципите на ИПА, во позитивна атмосфера и дружење како на стрелачкиот центар „Мегдан„ така и на свечената вечера организирана по повод свеченото прогласување на победниците. Турнирот од страна на стручните лица доби највисоки оценки како од безбедносен така и од организациски аспект со желба истиот во наредната година да добие и поголема меѓународна димензија,, информираа за Дрнка.МК од ИПА Регион Струмица
Паралелно, на турнирот на стрелачкиот центар ,,Мегдан“ кај Попчево присутен беше и Игно Стојков претседателот на ИПА Македонија како и гости од Македонската спортска стрелачка федерација. На отварањето на турнирот, ИПА Регион Струмица и Стрелачкиот центар „Мегдан„ потпишаа Меморандум за соработка. Меморандумот се однесува во делот на организацијата на овој традиционален турнир како и договор за деловна соработка со кој што на ИПА членовите им се овозможува бесплатен влез на стрелиштето и мета.
Во натпреварувачкиот дел беа постигнати следните резултати:
Категорија – пиштол:
- Прво место – Велибор Балоски – ИПА Охрид
- Второ место – Игорчо Коцев – ИПА Струмица
- Трето место – Слободан Поповиќ – ИПА Црна Гора
Категорија – Трап:
- Прво место – Ѓорги Костуранов – ИПА Струмица
- Второ место – Васе Русуманов – ИПА Струмица
- Трето место – Ѓорги Божинов – ИПА Струмица
Категорија – Малокалибарска пушка:
- Прво место – Ивица Цветковски – ИПА Скопје
- Второ место – Никола Крстев – ИПА Струмица
- Трето место – Слободан Милчов – ИПА Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
