,,И кошаркарите и одбојкарките беа разиграни, на свадбата победи само позитивината енергија и љубовта“ Вака вели струмичкиот кошаркар Александар Шајкаров кој четиригодишната врска со одбојкарката Мартина Владевска ја крунисаа во брак. Доста весело било на свадбената церемонија на оваа спортска двојка во ресторанот Космполит во Струмица а Шајкаров како најинтересен момент од свадбата го истакна одењето на невестата по високите температури.
,, Свадбата помина во најдобар ред. Сите гости беа весели благодарение на забавата што ни ја приреди Зоран Илиев. Имаше доза на натпревар меѓу кошаркарите и одбојкарките кој да биде подобар на забавата, но сепак морам да кажам дека разиграни беа сите спортисти, оти ја славевме љубовта“ откри Шајкаров за Дрнка МК
Мартина Владевска која беше одбојкарка на ,,Струмица жени“ вели дека со Шајкаров се надополнувале како во спортскиот живот, така и на приватен план. Таа се сеќава како добила трема минатата година кога Шајкаров на плажа ја побарал за жена.
,,Ме побара за жена пред една година на 12 август кога бевме на одмор во Грција. Беше рано наутро кога стигнавме на плажа. Не очекував, но веднаш кажав ДА бидејки и двајцата сме слични по карактер, благодарение на спортот„ кажа Мартина.
Мартина Владевска како што соопшти за Дрнка МК ќе стави крај на одбојкарската кариера додека Александар Шајкаров продолжува со КК Соколи од Штип каде што беше и минатата сезона. (В.Трајков фото: приватна архива)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
