ОК Џио Струмица – актуелниот македонски шампион и освојувач на Купот, деновиве во спортската сала Парк ќе го организира годинашново издание на Балкански клупски куп преку кој струмичани го меркаат унгарскиот вицешампион Казинбарчика во ЦЕВ Челенџ Купот. БВА турнирот кој го организира балканската одбојкарска асоцијација, започнува на 2 октомври и ќе трае до 4 и за време на трите дена се планирани натпревари по системот секој со секого.
За директниот пласман во второто коло од Купот на предизвикувачи, освен струмичани места бараат и турскиот Токат Беледије и Приштина Волеј од Косово откако екипите Млади Радник од Србија и Борац од БиХ го откажаа своето учество.
,, Овој турнир треба да ни даде јасна слика во каква форма сме бидејки примачката дијагонала ни е ослабнета оти заминаа Михаилов и Илиев но го донесовме Игор Суботиќ од Србија. Косовскиот шампион е добар тим кој се обидува да изненади додека Токат од Турција е искусен состав со огромен буџет, но имаат нови играчи во тимот кои не се воиграни. Можам да кажам дека турнриот ке биде интересен и доста квалитетен,, рече тренерот на ОК Џио Струмица – Кирил Ричлиев.
На првиот ден, среда на 2 октомври домашниот Џио ќе биде слободен кога ќе се сретнат Токат и Приштина . Прв противник на македонскиот првак ќе биде косовскиот тим во четврток додека во третото коло струмичани ќе се соочат со Токат од Турција. Трите натпревари стартуваат во 18:30 часот а влезот во салата „Парк“ ќе биде слободен.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
