Македонскиот шампион Струмица 47&72 утре, во СЦ „Јане Сандански“ во Скопје во рамките од квалификациите за ЦЕВ Лигата на шампиони го пречекува романскиот клуб Динамо Букурешт. Ова е четврта година во низа како струмичани ќе биде дел од ова натпреварување, но македонскиот првак доби тешка задача во првата рунда – најтрофејниот романски клуб.
„Четврта година во низа Струмица е дел од најквалитетното европско натпреварување, но оваа година со поскромни амбиции со оглед на тоа дека добивме еден квалитетен ривал како Динамо Букурешт. Резултатот за нас не е во прв план, затоа што оваа сезона имаме подмладен тим и во прв план е да им се даде шанса на помладите играчи да собираат искуство. Секако дека со поддршката на поискусните ќе се обидеме да понудиме квалитетен и достоен отпор, па зошто да не освоиме и сет“, потенцира капитенот на Струмица 47&72, Ефтим Ричлиев.
Струмица 47&72 против Динамо Букурешт играат утре во 17 часот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
