Членовите на Ротари клуб Струмица се вклучија во националната еко акција на Ротари сојузот на Македонија, кој на ниво на држава засади над 6.000 садници преку своите активни клубови. Струмичките волонтери садеа на Чам чифлик но донираа и садници на пчеларската задруга ,,Пчелин рај“ но и на индивидуални пчелари се со цел да се зачува биодиверизтетот.
Во Струмица и регионот беа засадени 200 садници. На Чам чифлик членовите на Ротари клубот засадија јавори. Садници беа засадени и на повеќе локации во регионот каде има пчелни семејства
,, Со вакви акции, Ротари уште еднаш покажува дека грижата за заедницата значи и грижа за природата. Мал чекор денес – голема разлика за утре“, напишаа од Ротари Струмица.
Тие деновиве по повод Денот на општината организираа и хуманитарна забава на која се собираа донации. Ротари клубот Струмица донираше опрема и на детското одделение при струмичката болница. (Б.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
