”Уживајте ја природата и секој престој во неа по разни поводи нека биде достоен”. Вака апелираа членовите на ЗПСК Кожуф од Гевгелија кои викендов го чистеа отпадот фрлен од несовесни граѓани на потегот од Сифулајка до над Смрдлива вода. Остатоци од покуќнина, текстил, разновиден пластичен отпад собраа планинарите на кои им се приклучија и граѓани а беа поделени во две групи во новата еко акција што ја реализираа по повод 70 годишниот јубилеј
,,Акцијата како што беше замислена така и се реализираше, се чистеше на Кожуф планина, беше опфатен потегот од Сифулајка до над Смрдлива Вода. Учесниците на акцијата беа поделени во две екипи, едната екипа стартуваше со чистење на Сифулајка и околу месноста Кисела вода, па продолжи кај Катерина Чешма, додека втората екипа заедно со механизација од Комуналец се упати горе над Смрдлива Вода каде имаше прилично голема депонија од секаков вид на отпадоци. Откако двете екипи завршија на овие две локации заедно продолжија со чистење во близината на село Старо Конско,, соопштија од клубот
Како што објавија на својата веб страна, целта на акцијата била да се подигне јавната свест за зачувување на животната средина, односно граѓаните да се грижат за неа и да се негуваат здрави навики за совесно однесување во природа.
,,Оваа акција нека биде поттик за сите за во иднина да спроведуваат еколошки акции но и еден апел до сите граѓани Уживајте ја природата и секој престој во неа по разни поводи нека биде достоен,, информираа од клубот
ЗПСК Кожуф од Гевгелија изминативе два месеци реализираа акција за пошумување при што засадија преку 5 000 дрвца во соработка со Шумско Стопанство Кожув Гевгелија, а во соработка со Црвен Крст Гевгелија реализиравме Крводарителска акција на која се собраа 49 единици крв.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
