Со пораката ,,Да ги отфрлиме стереотипите, а да ја подигнеме свеста за нашите потенцијали и можности’’ Центарот за подддршка на лицата со интелектуална попреченост Порака од Струмица утре (23.04) во центарот на градот во малото паркче спроти Глобал организира Велигденски Базар. Станува збор за хепенинг на кој членовите на Порака ќе ги изложат своите рачно изработени експонати со велигденски мотиви за да докажат дека и тие имаат потнецијали
,, На хепенингот ќе бидат претставени ракотворби, украси, велигденски јајца, кошнички за велигденски јајца и други креации со велигденски мотиви, изработени од младинците со интелектуална попреченост и нивните родители – членови на ЦПЛИП – ПОРАКА Струмица. Присутните гости на хепенингот, за симболична сума, ќе можат да ги купуваат ракотворбите и украсите, а парите собрани од продажбата на креациите ќе бидат искористени за опремување на Социјалниот Клуб на ЦПЛИП – ПОРАКА Струмица со потребните дидактички материјали за понатамошна работа,, соопштија од Центрот
Базарот што ќе се одржи во малиот парк на булеварот „Маршал Тито“, Струмица (спроти трговскиот центар „Глобал“, а во непосредна близина на сендвичара „ЕХ“ ќе биде отворен во периодот од 11:00 до 17:00 часот.Овој настан, како и серијата претходни креативни работилници, се дел од Годишната програма за работа на ЦПЛИП – ПОРАКА Струмица за 2022 г., финасирана од РЦПЛИП – ПОРАКА.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
