Лицата со интелектуална попреченост од Струмица членови на ЦПЛИП ,,Порака“ од Струмица денеска излегоа во центарот на градот за да ги продаваат велигденските експонати што ги изработувале со своите родители изминатиот период. Повеќе од стотина украси изработени до текстил, метал, хартија, трева беа изложени на штандот каде струмичани можеа да купат експонати во пресрет на Велигденските празници.
„Претставени се ракотворби, украси, велигденски јајца, кошнички за велигденски јајца и други креации со велигденски мотиви, изработени од младинците со интелектуална попреченост и нивните родители – членови на ЦПЛИП – ПОРАКА Струмица. Средствата што ќе се соберат ќе бидат искористени за купување матријали кои се потребни на нашиот Центар,, кажа Соња Сачевска од „Порака“
Цените на експонатите во кои е вложено љубов и труд се симболични. Како што информираа од „Порака“, велигденски експонати може да се купат и во текот на следната недела во нивниот Центар.Лицата со интелектуална попреченост во Струмица во својот клуб континуирано изработуваат експонати и украси кои за поголеми празници или манифестации сами ги изложуваат и ги продаваат на заинтересираните граѓани.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
