Членовите на ФА „Мегдан“ од Богданци ги освоија симпатиите на жирито на четвриот Интернационален фолклорен фестивал за деца ,,Оро без гранци“ кој од 21 до 25 се одржа во Тиват Црна Гора во организација на тамошното КУД ,,Бока“. Младите на „Мегдан“ со своите кореографии успеаа да го доближат македонскиот фолклор и традиција до присутните во Тиват, каде на фестивалот учествуваа ансамбли и друштва од Црна Гора, Молдавија, Полска и Србија и околу 400 млади играорци.
Гран прито од Фестивалот во Тиват го прими Петар Стојчевски кој упати благодарност до организаторите на ,,Оро без граници“ кои даваат можност младите на едно место да се дружат но и да ги запознаат убавините на Тиват.
Тој за радио Тиват кажа дека ФА „Мегдан“ од Богданци постои 12 години и е поделен во пет секции. Го негуваат фолклорот од сите краеви на Македонија со акцент на традиционалната македонска носија и се вистински презентери на фолклорот и богатата кулутра на Македонија насекаде каде што настапуваат. (M.K)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
