Карневалската група „Мулен руж“ годинава на Струмичкиот карневал ќе се престави со маската ,,Меѓу мудроста и силата“. Речиси еден месец ја работат маската во која мажите ке бидат кентаури и ќе ја отсликат грчката митологија на еден нов современ начин. На едно место се конструираат, шијат и дотеруваат сите модели. Се користат ПВЦ цевки, тркала, сунѓери, тврда харија, перики но и голем избор на блескави декоративни елементи
„Преку оваа маска сакаме да илустрираме дали сме во светот на луѓето или во светот на животните. Речиси сите членови работиме . Годинава ќе немаме возило. Како група постоиме од 2003 година и досега поминаа голем број на членови. Ово овој формат сме од 2017 тата. Зошто се маскираме па тоа е бегство од секојдневието во еден друг нереален свет но за нас реален“, вели Анита Станковска од групата Мулен Руж која годинав ќе настапи со 23 члена од кои 8 се од подмладокот на групата.
Маската ја работат во вечерните часови после работните обврски. Се собираат на едно место каде се дружат, разменуваат идеи а често знаат да дојдат и до конфликт околу одредени решенија за маската. Но помислата дека три часа ќе бидат сосема нешто друго и дека ќе предизвикат позитивни емоции кај публиката, ги тера да издржат до крај. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
