Пет тракторски приколки со пластични шишиња лименки и друг ситен отпад се собраа од излетничко рекреативните локалитети во струмичкито регион во рамките на еко граѓанската акција ,,Чисти ридови за сите“ иницирана од ВК „Актив“ од Струмица. Се чистеа вкупно шест локации кои се мета на излетници и рекреативци а некои несвесно фрлаат отпад. Околу 100 тина граѓани од повеќе граѓански организации го собираа отпадот од трим патеката кон Св. Илија , локалитетот ,,Чамчифлик“ и просторот околу споменикот од НОБ кај раскрсницата кај Раборци во Општина Струмица
,, Задоволни сме што и оваа година се вклучија голем број граѓани да го исчистат отпадот од несовесни граѓани кои биле на поминување или пак престојувале на овие локалитети. Имаше разочараност бидејки, лани ги чистевме овие места но пак наидовме на фрлени пластични шишиња, лименки, кеси,ситен отпад од текстил. Но сметаме дека полека се подига јавната свест кај граѓаните, да се чуваат овие излетничко рекреативни локалитети,, ни изјави и Кире Тасев од ВК ,,Актив“ од Струмица
Во акцијата се вклучија повеќе граѓански организации, здруженија, асоцијации. Во акцијата ,,Чисти ридови за сите“ се приклучија и комуналните претпријатија „Комуналец“ Струмица, „Турија“ од Василево, „Огражден“ од Босилово, „Комуна“ од Ново Село кои со вработени и механизација помагаа во собирањето и транспортот на собраните ќеси со отпад до најблиските депонии.
,,Покрај секојдневните апели до граѓаните за нефрлање отпад во природата, ЈПКД „Комуналец“ секогаш излегува во поддршка на вакви акции и ги охрабрува и други групи или оргнаизации на граѓани за организирано чистење на животната средина, со верба дека заедно и организирано можеем и морама да делуваме за да имаме почиста животна средина,, соопштија од струмички „Комуналец“.
Во Општина Ново Село 30 тина граѓани го чистеа просторот околу брана Новоселка додека околу 50 тина жители на општина Василево собираа отпад кај брана Турија. Во општина Босилово 40 тина жители чистеа кај брана Иловчанка но и на локалитетот „Хамзали“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
