Црквата што свештеникот Боро Милчев ја гради кај Смоларе е дивоградба за која од општина Ново Село нема добиено никакви дозволи. Но со оглед дека се подига на државно земјиште известено е и Јавното обвинителство. Вака ни изјави градоначалникот на општина Ново Село Никола Андонов, откако струмичката епархија вчера на Милчев му забрани да извршува свештенска дејност оти не го почитувал редот и уредбите на парохиската дејност при уставот на МПЦ-ОА а притоа градел нелегално и ,,црковен храм’’ во непосредна близина водопадите.
„Со оглед дека објектот се гради на државно земјиште и се коси со законската регулатива го известивме Основното јавно обвинителство во Струмица. Му укажавме на свештеникот дека не смее да гради на таа локација оти ќе се смета за дивоградба, но не наидовме на разбирање. Од наша страна покрената е постапка и чекаме да се изјасни Јавното обвинителство “, ни изјави градоначалникот на Ново Село Никола Андонов кој подвлече дека имале проблем и со легализацијата на изградениот угостителски објект под водопадите во сопственот на свештеникот.
Свештеникот Боро Милчев, причините заради што доби забрана од струмичката епархија да врши свештенство ги отфрли како невиситините. Кажа дека бил под закани неколку години откако ги објавил 12 тома за македонските светители. За црквата што ја градел кај Смоларе тврди дека веќе имал добиено дел од документите за нејзина изградба а за другите постапката била во тек.
„За параклисот што го градам кај Смоларе имам добиено дел од документите за градба, а за останатиот дел, постапката е во процедура и се надевам дека ќе ги добиеме оти станува збор сепак за верски објект. Во однос на венчавањето никаде не постои забрана каде сѐ можам да вршам венчавање оти нашата мисија е да го шириме христијанството“ ни изјави поп Боро Милчев одговарајки и за неканонските венчавки што ги правел во Великиот пост.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
