Денеска во просториите на ОО „Црвен крст“ Струмица се спроведе крводарителска акција која беше реализирана во соработка со Центарот за истражување и анализи Новус и Службата за трансфузиона медицина. Станува збор за прва акција што се спроведува во ова 2025 година на која како што не информираше Живка Муканова стручен соработник, крв дарувале 31 лице од Струмица и регионот.
,,Од срце им се заблагодаруваме на сите хумани граѓани херои на новото време кои несебично даруваа крв и се причина за нечија насмевка“, објавија од Црвен крст Струмица
Како што не информираше Живка Муканова, лани Општинската организација на Црвен крст Струмица во соработка со четирите општини, Струмица, Василево, Босилово и Ново Село, трите средношколски центри „Јане Сандански“, „Димитар Влахов“ и „Никола Карев“ како и со СВР Струмица, во соработка со Службата за Трансфузиона медицина реализирале вкупно 27 крводарителски акции со 627 крводарувања. Во Службата пак за Трансфузиона медицина се земени 970 единици крв. Вкупно за 2024 земени се вкупно 1597 крвни единици.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
