По повод Светскиот ден на првата помош а во склоп на кампањата „Твоето незнаење чини живот“ Општинската организација на Црвен крст Струмица организираше показна вежба за евакуација и спасување од возила при сообраќајна несреќа. Младите волонтери демонстираа како треба да се даде прва помош на повредени во сообраќајна несреќа и упатија порака дека секој треба да знае да помогне, бидејки во такви ситуации може секој да се најде
Во вежбата се вклучија и пожарникарите. Тие интервенираа при извлекување на повредени од моторно возило каде волонтерите од Црвен крст ги мобилизираа младите лица . Пожарникарите користеа опрема за сечење на возилата за побезбедно да се извлечат повредените а екипи на Брза помош постојано ги транспортираа повредените
,, Вежбата има за цел да упати порака до сите граѓани да имат елементарни познавања како да пружат помош на повредени при сообраќајки но и да ја зајакне координацијата меѓу институциите при елементарни непогоди, односно како сите заеднички да дејствуваат. Досега над 110 лица од Струмица ги освежија своите знаења како да пружат прва помош но ние како општинска организација и понатаму ќе даваме бесплатни часови за прва помош’’, кажа Маријана Тошева од ОО Црвен крст Струмица
Вкупно 60 преставници од пет инситуции РЦУК, ДЗС, ТППЕ, Брза помош и СВР Струмица учествуваа во вежбата која половина час го блокираше центарот на Струмица каде голем број граѓани ги гледеа растрчаните волонтери, пожарникари, доктори. Митко Димчев од Дирекцијата за заштита и спасување тврди дека вакви вежби е потребно да ги има најмалку еднаш месечно
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
