Општинската организација на Црвениот крст од Струмица по повод Денот на крводарителството но и Денот на формирањето на Црвениот крст на Македонија одржа свечена седница на која додели благодарници и плакети за граѓаните кои повеќепати имаат дарувано крв.
Плакета за 100 крводарувања доби Динчо Стојанов од Струмица кој со години е крводарител. Плакета доби и Глигор Вангелов кој досега 75 пати ја има дарувано својата крв додека Илија Козаров, Кирчо Дробаров, Тимо Комаров, Васко Стојанов и Горан Едровски зад себе имаат дарувано по 50 патки крв.
,,Во изминатата година се реализираа 38 крводарителски акции на коишто се даруваа 1510 крвни единици и така се задоволија потребите за крв и крвни подрукти на пациентите во здравствените установи во нашиот град. Хуманоста што ја покажаа нашите крводарители преку доброволното дарување крв придонесе да бидат спасени многу човечки животи,,стои во објавата на ОО Црвен Крст Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
