Општинската организација на Црвениот крст од Струмица распиша конкурс за обука за негуватели и помош и нега на стари лица и лица со попреченост. Станува збор за бесплатни обуки во рамките на проектот „Развој на деловни услуги за интегрирана грижа и поддршка во Црвен крст на РСМ“, поддржан од Австриската агенција за развој, австрискиот и швајцарскиот Црвен крст
На конкурсот може да се пријават сите заинтересирани лица, жители на регионите кои ги покриваат ОО на Црвен крст од општините Радовиш, Валандово и Гевгелија вклучувајки ги и општините Богданци Дојран и Конче. Станува збор за конкурс за лица кои сакаат да се оквалификуваат стекнувајќи се со верификуван сертификат за негуватели на стари лица и лица со попреченост.
Кандидатите треба да се државјани на РСМ, да имаат 18 години, да се психо-физички способни за работа, да имаат минимум основно образование, да се мотивирани за работа со стари и немоќни лица и лица со попреченост, да бидат мотивирани по обуката и да се јават како даватели на услугите во сервисите за нега во домашни услуги при ОО на Црвен крст во Гевгелија, Валандово Радовиш.
Пријавувањето трае до 1 март, 2021 година, а заинтересираните лица можат да се пријават на следниов меил: strumica.negacentar@redcross.org.mk или по телефон: 075/670- 075, 072/252-022 и 072/252-022. Обуката за негувател за помош на стари лица и лица со попреченост е сертифицирана и бесплатна
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
