Центарот за развој на Југоисточниот плански регион организираше Региоанлен саем на социјални претпријатија од овој регион, за да може заедницата поблиску да се запознае со нив и да се информира за потенцијалите што ги нудат овој тип на претпријатија но и кои се бенефитите од нивното постоење. На неколку штандови во Центарот за кулутра во Струмица, дел од социјалните претпријатија но и граѓански здруженија чиј фокус се ранливите категории граѓани ги презентираа своите услуги но и производи што ги изработуваат, покажувајки дека може да бидат во интерес на заедницата.
,,Овој саем има за цел да ги промовираме потенцијалните социјални претпријатија, но и промоција на активностите и што поголем број на заинтересирани да го видат овој настан и да стапат во контакт со нас за да можеме во иднина повеќе да соработуваме и да ги поддржиме во остварувањето на нивните цели, рече Жулиета Ѓуркова, директорка на Центарот за развој на Југоисточниот плански регион
Во Југоистокот веќе функционираат но и постојат иницијативи за социјални претпријатија. Нивната заложба е да се престават самите и да ги презентираат своите услуги и производи, и да обезбедат одржливо решение за ранливите категории на луѓе
,,Овој прв регионален саем за социјално претприемништво во Југоисточниот плански регион, воедно претставува модел на имплементирање на еден поинаков и поактивен пристап на обезбедување поддршка на локални заедници и луѓе од ранливи категории, со цел да бидат поинтегрирани во општеството и да ги развијат своите претприемачки способности за да можат да се ослободат од системот на користење на социјална заштита,, кажа градоначалникот на Струмица Костадин Костадинов
Првиот саем на социјалните претпријатија се одржа во рамки на проектот „Поддршка на социјално претприемништво“, поддржан од Европската Унија, кој го спроведува „Ептиса“, во конзорциум со „Барка и Екорис“, во соработка со Министерството за труд и социјална политика.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
