Со одлука на Советот за рамномерен регионален развој, околу 10 милиони денари од заштедените средства на осумте плански региони од реализацијата на годинашнивe проекти ќе бидат насочени во Југоистокот односно ќе ги добие Центарот за развој на Југоисточниот плански регион за реализација на три проекти.
Како што соопшти Кабинетот на Кочо Анѓушев кој претседаваше со Советот а на кој присутен беше и претседателот на Југоисточниот регион градоначалникот на Струмица Коста Јаневски, станува збор за средствата во износ од околу 21,6 милиони денари кои се резултат на остварени заштеди при реализација на проекти од страна на Центрите за развој на осумте планските региони од кои околу 10 милиони ќе бидат насочени во Југоистокот .
Според информациите на Дрнка.МК дополнителните пари што ги обезбеди Центарот за развој на Југоисточниот плански регион ќе одат за три проекти и тоа Ревитализација на патот Богородица-Стојаково- крстосница со патот Гевгелија-Богданци втора фаза, Уредување на дел од индустриските зони во Југоисточен плански регион но и за проектот Помалку отпад поквалитетен живот.
За првиот проект ќе бидат пренасочени 3 милиони и 380 илјади денари кој е од интерес на жителите од општините Гевгелија и Богданци кој е со вкупна вредност од 11,4 милиони денари. За вториот проект одобрени се околу 4,9 милиони денари и тоа за уредување на индустриска зона во општина Василево за зголемен економски развој а за проектот ,,Помалку отпад, поквалитетен живот’’ во општина Радовиш – 1 476 000 денари.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
