Цените на становите во Струмица растат. Според последните истражувања, тие годинава се за 20 % повисоки во однос на претходните години. Но и покрај фактот што цените се високи, побарувачката за нов или стар стан не опаѓа, туку напротив расте. Вака велат Љупка Цветкова и Белагија Аливкинова од Агенцијата за недвижности Premium Assessment каде контуинирано се бараат недвижности како за купување така и за закуп на станови.
,, Во последниот период цените на недвижностите бележат значителен раст. Според наши истражувања цените достигна и до 1300 евра по метар квадратен во Струмица, сепак тие се пониски во однос на Скопје. Побарувачката за станови е доста активна – се продаваат станови во изградба, во нови и стари згради. Се бараат од 45 до 75 метри квадратни.На ниво на државата цените се повисоки и до 20 % ,, вели Љупка Цветкова агент за недвижности.
Како причини за високите цени се споменуваат општата инфлацијата односно високите трошоци за градба на објекти, големата побарувачка заради инвестиција или личен дом и заради ограничената понуда на атрактивни локации.
“Интересот за купување станови доаѓа од млади лица, брачни парови, индивидуални лица кои купуваат за инвестиција односно купуваат за да потоа ги даваат под закуп а интерес има и од нашинци кои живеат во странство исто така за давање под закуп “ кажа Белагија Аливкинова исто така агент за недвижности.
Како се движат цените… Што се бара на пазарот… Кој купува станови во Струмица – одговараат Цветкова и Аливкинова
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
