Првиот спрат од новото болничко крило на струмичката болница ќе стане ковид центар за третман и лекување на пациентите со ковид-19 во регионот. Вака најави министерот за здравство Венко Филипче кој беше во посета и средба со одговорните во Медицински Центар Струмица за да се изнајдат решенија за ублажување на притисокот од потребата на дополнителен простор но и кадар, по се поголемиот број на позитивини во струмичко.
,, Станува збор за цел спрат со 100 тина легла кои веќе се опремени и има централен довод на кислородна подршка. Тој за неколку дена може да биде ставен во функција. Во однос на кадарот донесовме одлука да ротира персоналот од сите болнички одделенија. Во моментов има само двајца инфектолози и интернисти што доаѓаат на помош на инфективно. Распределен е специјалист од клиниката за белодробни заболувања од Скопје а од следната недела доаѓа професор од Инфективната клиника кој ќе се придружи на тимот овде. Ќе се прави и систем на ротација на медицинските сестри.Може да се соочиме со период во кој што целокупниот останат програм ќе се намали со цел што е можно повеќе кадар биде на располагање за лекување на пациентите со ковид,, кажа министерот Филипче
Во Струмица и регионот во моментов има околу 400 активни случаи со коронавирус. Досега починаа 22 лица од компликации на вирусот. Пациентите со потешка клиничка слика се препраќаат во Скопје а во моментов во струмичката болница на инфективно и во дневните ковид амбуланти се лекуваат 50 тина пациенти
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
