Целосно изгоре мостот видиковец пред Смоларскиот водопад кој пред месец дена беше реконструиран преку Центарот за развој на Југоисточниот плански регион. Мештаните од Смоларе се сомневаат дека пожарот е подметнат од несовесни граѓани или посетители во текот на вчерашниот ден или пак е резултат на невнимание за што интервенирале да не се прошири и по Беласица. Интервенирала и ТППЕ Струмица со шест пожарникари и две возила. Пожарот е изгаснат и не е дозволено да се прошири низ планината Беласица.
,,Некој ,,совесен” сограѓанин ја запалил платформата на Смоларски водопад и предизвика пожар кој се прошири кон исток на Беласица. Сторителот мора да биде најстрого санкциониран, зошто ова е зло кон општеството во кое живееме.Од денесска се забранува пристап на Смоларски водопад заради безбедносни причини, се додека не биде изградена нова платформа на водопадот“, објави градоначалникот на Ново Село Ѓорѓе Божинов
Изминатиот период се уредуваше овој локалитет со пари обезбедени од ЦРЈИПР и Општина Ново Село. Се поплочи патеката со природен матријал со изведба на скали, поправка на постоечката дрвена ограда, реконструкција на постоечката платформа пред водопадот со поставување на стаклен под а беа поставени и 15 клупи за одмор, 20 корпи за отпад, патокази, инфо табли и паркинг за велосипеди.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
