Пратеникот од ЗНАМ од Струмица до Владата го достави барањето односно иницијативата планината Беласица да биде прогласена за заштитено подрачје. На неговата иницијатива односно барање потпишани се сите пратеници од ЗНАМ но и од други членови на Собранието со надеж дека во скоро време ќе биде разгледена и институционално ќе почне постапката за прогласување на Беласица како заштитено подрачје со што би се зачувала богатата флора и фауна на ова планина.
„Беласица не е само планина, таа е нашето природно наследство, извор на живот и гордост за целиот регион! Оваа борба е за чист воздух, за бистрите води, за шумите што исчезнуваат и за иднината на нашите деца. Ако не ја заштитиме сега, утре ќе биде предоцна“, објави пратеникот Цеков на својата ФБ страница
Предлогот доаѓа бидејки Беласица на грчка страна е прогласена за Национален парк а во Бугарија е парк на природата. Само во Македонија стои како обична планина и покрај огромниот потенцијал што го нуди. Како што соопшти пратеникот Миле Цеков во прилог на иницијативата на ЗНАМ е и валоризиранта студијата од група експерти подржана од УНДП за потребата од прогласување на Беласица за заштитено подрачје
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
