Фудбалското игралиште со вештачка трева во Струмица доби трибина со капацитет од 150 столчиња. Поставувањето трибина е резултат на соработката на општина Струмица со клубовите кои го користат ова игралиште кое од пред три години го носи името на Филип Лазаревски а кој го користат речиси сите фудбалски клубови од општината а посетителите немаа можност достојно да ги следат натпреварите.
,, Трибината е направена со заедничко учество на сите клубови, а столчињата се донација од ФК „Беласица“. Општинското игралиште ќе го користат фудбалските клубови „Беласица“, „Академија Пандев“, „Тиверија“, женскиот фудбалски клуб „Тиверија“ како и спортската паралелка – Струмица” објавина својата ФБ фан страна градоначалникот на Струмица Коста Јаневски
Фудбалското игралиште со вештачка трева во Струмица веднаш до стадионот Благој Истатов се изгради пред четири години како заеднички проект на општината со ФФМ во вредност од 430 илјади евра од кои 330 ги обезбеди општината а 100 илјади евра во вештачка трева беа донација од ФФМ преку програмата на УЕФА Хет – трик. Тогаш беше најавено дека во втората фаза ова игралиште ќе добие трибина и поставување шест столбови со рефлектори за одигрување ноќни натпревари, изградба на соблекувални, како и паркинг простор.
Лани во јули ФФМ најави дека во соработка со УЕФА ќе гради уште еден терен со вештачка трева кој ќе биде наменет за Академија Пандев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
