Фудбалерот Љупче Дориев предновогодишно стави крај на ергенскиот живот и осумгодишната врска со Сандра Василева официјално ја круниса во брак. Тие пред матичар го кажаа судбоносното ДА а при крајот на идната година или 2026 година ќе биде свадбената церемонија, бидејки очекуваат и нова радост во семејството.
,,Сандра секогаш ми беше поддршка. Се знаеме долго и таа постојано ме бодреше и кога ми беше најтешко и кога менував фудбалски средини и кога се радував на успеси. Ние и така и така живееме заедно но сакавме тоа да го крунисаме и пред матичар “, изјави за Дрнка МК фудбалерот Љупче Дориев
Сандра студираше на Медицинскиот факултет при Штипскиот универзитет. Тие се заедно уште кога Дориев беше во редовите на Академија Пандев од каде замина во тетовска Шкендија а веќе втора сезона е во Согдијана во Узбекистан.
,, Ние со Сандра сме во врска веќе цели осум години и сметам дека дел од моите успеси се и нејзино дело. Не залудно велат дека зад секој успешен маж стои и успешна и достојна жена. Таа жена за мене е Сандра. Свадба засега не планираме здравје при крајот на идната или во 2026 година оти во меѓувреме чекаме и принова“, вели Љупче Дориев
Дориев во Согдијана – Узбекистан има договор уште две години. Тој таму е прогласен за најдобар играч и стрелец со оглед на одличните партии што ги има како и головите што ги постигна. Тој своевремено беше дел од репрезентацијата каде се надева дека ќе се врати, бидејки како што вели има што да покаже и во дресот за Македонија. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
